Еліміздің батысында қатты жел соғып, шаңды дауыл көтеріледі

Нұр-Сұлтан, BAQ.KZ. «Қазгидромет» РМК синоптиктері бірнеше аймақта дауылды ескерту жариялады.

Күндіз 28 тамызда Атырау облысында кей жерде қатты жаңбыр жауып, найзағай ойнап, дауыл соғады. Жел екпіні 15-20 м/с күтіледі.

Атырау қаласында күндіз 28 тамызда найзағай ойнайды, желдің екпіні 15-20 м/с күтіледі.

Күндіз 28 тамызда Маңғыстау облысының кей жерінде найзағай ойнап, шаңды дауыл көтеріледі, жел солтүстік-шығыстан солтүстік-батысқа ауыспалы, күші 15-20 м/с күтіледі.

"28 тамызда Батыс Қазақстан облысының кей жерінде найзағай ойнап, бұршақ күтіледі. Күндіз кей жерінде солтүстік-батыстан соғатын желдің күші 15-20 м/с", - делінген хабарламада.

Орал қаласында күндіз 28 тамызда найзағай ойнап, солтүстік-батыстан соғатын желдің екпіні 15-20 м/с күтіледі.   

Дабылды ескертудің ықтималдылығы – 90-95%.