Шалғай ауылдарда медициналық виртуалды кабинеттер ашылады

Шалғайдағы елді мекендердің тұрғындары үшін виртуалды медициналық кабинеттер ашылады, деп хабарлайды BAQ.KZ.

Денсаулық сақтау министрлігінің ақпаратына сәйкес, онда олар тұрғылықты жері бойынша консультация және диагностика ала алады.

Пациент өзінің фельдшерлік-амбулаториялық пунктіне (ФАП) жүгінеді, мұнда фельдшер пациентті алғашқы тексеруді жүргізеді және қажет болған жағдайда оны телемедициналық желі бойынша бейінді маманға қосады.

"Виртуалды кабинеттерді" енгізу алдымен пилоттық өңірлерде тестілеуден өтеді, содан кейін осы жаңалықты жаппай енгізу туралы шешім қабылданады.