Шәріпова келесі жекпе-жегінің қашан өтетінін айтты

Нұр-Сұлтан, BAQ.KZ. Қазақстандық боксшы Фируза Шәріпова келесі жекпе-жегін қашан өткізетінін мәлімдеді.

Боксшы жекпе-жек туралы кездесуге бір апта қалғанда жария етіп отыр.

Достар, 26 шілдеде жұдырықтасамын. Ертең бәрін толығырақ айтамын, - деп жазды кеше боксшы Instagram-парақшасында.

Фируза Шарипова соңғы жекпе-жегін былтыр сәуірде өткізген болатын. Сол кезде ресейлік Анастасия Тришеваны (0-1) үшінші раундта жеңген еді. Қазақстандық боксшы соңғы екі жылда екі ғана жекпе-жек өткізген.