ШҚО-да ең төменгі күнкөріс деңгейі артты

Нұр-Сұлтан, BAQ.KZ. Шығыс Қазақстан облысының маусым айындағы ең төменгі күнкөріс деңгейі мамырдағы көрсеткішпен салыстырғанда өскені байқалады, деп хабарлайды Алтайньюс.

Ең төменгі күнкөріс деңгейі дегеніміз – тұтыну қорының құнын ескере отырып, өмірді қамтамасыз ету үшін қажетті сома. Басқаша айтқанда, бір ай өмір сүруге жететін ақша мөлшері. Оны мемлекет өмір сүру деңгейін бағалау және ең төменгі жалақы, зейнетақы мен жәрдемақыны белгілеу мақсатында жыл сайын есептейді.

ҚР Ұлттық экономика министрлігінің ШҚО бойынша статистика комитетінің ақпаратына сүйенсек, өңірдегі ең төменгі күнкөріс деңгейі артты. Аймақтың бір орташа статистикалық тұрғынына шаққанда табыстың төменгі шегі 34154 теңгеге тең болды.