Сейсенбі, 26 сәуірге арналған ауа райы болжамы

Нұр-Сұлтан, BAQ.KZ. Синоптиктер 26 сәуірге арналған ауа райы болжамын ұсынды, деп хабарлады "Қазгидромет" РМК.

Алматы облысының шығысында қатты жаңбыр жауады. Ал республиканың қалған бөлігі антициклонның ықпалында болады. Бұл жауын-шашынсыз ауа райы мен ауа температурасының көтерілуіне ықпал етеді. 

Республика бойынша тұман, желдің күшеюі, оңтүстік өңірлерде найзағай жарқылдап, дауыл күтіледі.

Алматы облысының Алакөл көлдерінде желдің жылдамдығы 20-25, екпіні 30 м/с және одан да көп болады деп күтілуде. Түркістан облысының таулы аудандарында күн күркірейді, жел 15-20 м/с күшейеді, Жамбыл облысының таулы аудандарында күн күркірейді, таңертең және күндіз оңтүстік-батыста, солтүстік-шығыста, таулы аудандарда жел 15-20 м/с күшейеді.

Түнде және таңертең Қостанай облысының солтүстік-шығысында тұман түседі, күндіз облыстың солтүстігінде желдің жылдамдығы 15 м/с жетеді, Ақмола облысының солтүстік-шығысында желдің жылдамдығы 15-20 м/с жетеді, күндіз Солтүстік Қазақстан облысының шығысында желдің күші 15-20 м / с жетеді.

Атырау облысының шығысында 15-20 м / с жел күшейеді, түнде Қарағанды облысының батысы мен шығысында тұман түседі.