Сеулде қазақстандық курсант алғашқы боп дауыс берді

Қазақстан Республикасының Корея Республикасы мен Жапониядағы азаматтары ҚР Парламенті Мәжілісі депутаттарының кезектен тыс сайлауында дауыс беру құқығын алғашқылардың бірі болып пайдаланды. Бұл туралы BAQ.KZ СІМ телеграм каналына сілтеме жасап хабарлайды.

Сеул қаласында сайлауда дауыс берген алғашқы ҚР азаматы курсант  Ельнур Асанов болды.

Мен бұл сайлау еліміз үшін экономикалық дамудың жаңа мүмкіндіктерін ашады деп күтемін. Трансформация біздің мемлекетіміз үшін қажет, ол елдің дұрыс бағытта дамуына қуатты серпін береді деп сенемін. Мен Қазақстан Республикасының азаматы ретінде азаматтық борышымды орындап, өз үлесімді қосқым келеді! Елімізге нығайып, өркендеу тілеймін! - деді Асанов.