Сенаторлар сүт өңдеушілердің мәселелерін шешуді бақылауға алды

Нұр-Сұлтан, BAQ.KZ. Қазақстан Республикасы Парламенті Сенатының депутаттары Жеңіс Нұрғалиев пен Сергей Карплюк Қостанай облысына жұмыс сапары барысында сүт өнімдері мен балмұздақ шығаратын өндіріс желілерімен танысты, деп хабарлады Сенаттың баспасөз қызметі.

Кәсіпорын басшысы депутаттарды пайдаланылатын технологиялар мен өндірістік желіні ұлғайту перспективалары туралы хабардар етті. Ол атап өткендей, бүгінде компания 100-ге жуық сүт өнімдерін шығарады, олар Қазақстан аумағында ғана емес, көршілес Ресейде де таратылады.

Кездесу барысында сүт өнімдерін дүкендерге жеткізуде ықтимал іркілістер болған жағдайда сүт өңдеушілердің тап болу қаупі атап өтілді. Компаниялар қазір тетрапак, картон тапшылығын тіркеуде, пленка жетіспеушілігімен проблемалар бар.

Сенаторлар барлық айтылған проблемалар уәкілетті органдарға берілетінін және олардың іске асырылуы бақылауға алынатынын атап өтті.