Сенатор бір палаталы Парламентке қатысты пікір білдірді

Қоғамдық және саяси өзгерістер аясында Қазақстанда Парламентті реформалау мәселесі күн тәртібіне шықты. Екі палаталы жүйеден бір палаталы Парламентке көшу мүмкіндігі талқыланып, жаңа құрылымның атауы ретінде тарихи "Құрылтай" ұғымының ұсынылуына қаытсты сенатор Қайрат Тастекеев пікір білдірді, деп хабарлайды BAQ.KZ тілшісі.

Қазіргі кезде нақты қоғамның, мемлекеттің, жалпы нақты өзгерістерге байланысты саяси даму реформасы қажет деп ескеріледі. Оның ішінде, айтылып келе жатқалы жарты жылдай уақыт болды, екі палаталы Парламенттен бір палаталы Парламентке көшу нақты талқыланды. Нақты тоқталатын болсақ, біріншіден, комиссия құрылып, осы жүйеде жұмыс жасап жатыр, - деп атап өтті депутат.

Сонымен қатар ол алдағы уақытта пайда болатын жаңа Парламентке жаңа атау берілуіне қатысты да өз ойын айтты.

Комиссия күнделікті палатаның қалай болу керектігін, қанша мүше болу керектігін, қалай сайланады деген сұрақтарды қарайды. Бұл жерде айтылғаны: сол палатаның атауы "құрылтай" деп аталуы. "Құрылтай" деген өте тарихи сөз. Бұрын қазақ халқы жиналыстарды "құрылтай жиналысы" деп атаған. Сол тарихқа тереңдеп үңіліп қойылған, - дейді Қайрат Тастекеев.