Сенат депутаты Конституциялық соттың судьяларымен кездесті
Сенат депутаты Бибігүл Жексенбай Конституциялық соттың судьяларымен және республикалық БАҚ-тың басшыларымен кездесті, деп хабарлайды BAQ.KZ Сенаттың баспасөз қызметіне сілтеме жасап.
Кездесуге қатысушылар Конституциялық соттың жұмысы, азаматтардың конституциялық құқықтарын қорғаудағы және заңның үстемдігін қамтамасыз етудегі рөлін талқылады.
Сенатор конституционализм қағидаттарын ілгерілетуде және қоғамда жоғары құқықтық мәдениетті қалыптастыруға ықпал ететін құқықтық интерпретация жүргізуде өзара тиімді ынтымақтастықтың маңыздылығын атап өтті.
Мемлекет басшысы Қасым-Жомарт Тоқаевтың халыққа Жолдауында қоғам қолдаған Конституциялық сотты құру идеясы маңызды саяси қадамдардың бірі болды. Былтыр жаңартылған Конституция қоғам мен мемлекетті одан әрі жаңғыртудың қажетті құқықтық негіздерін қалыптастырды. Елдегі саяси реформа мемлекеттің әлеуметтік жауапкершілігін арттыруға және адам құқықтарын қорғау тетіктерін күшейтуге мүмкіндік берді, – деді Бибігүл Жексенбай.