Семейде жоғалып кеткен қыз табылды

Семейде жоғалып кеткен 13 жастағы Наргиз Бағдатбекова табылды, деп хабарлайды BAQ.KZ.

Абай облыстық Полиция департаментінің баспасөз қызметі таратқан мәліметке сүйенсек, қыз бала аман-есен. Медициналық көмекке де мұқтаж емес. Іздестіру жұмыстары барысында қыз бала "Қазына" сауда-ойын-сауық орталығынан табылғаны белгілі болды.

Еске салайық, 23 ақпанда сағат 10:00 шамасында 13 жастағы жасөспірім Семей қаласы, Восточный мекенжайы бойынша үйінен шығып кеткен және осы уақытқа дейін оралмағаны туралы жазған болатынбыз. Кейіннен қыздың ата-анасы полицияға көмек сұрап хабарласқан. 

Қыз бала үйінен ата-анасымен ренжісіп кетіп қалғаны айтылуда.