Семей қаласында жаңа саябақ салынады

Семей қаласында жаңа саябақ салынады, деп хабарлайды BAQ.KZ Абай облысы әкімдігінің сайтына сілтеме жасап. 

Саябақ қаланың оң жағалауында орналасқан Бегалин көшесінің қиылысынан бастап Челюскинцев көшесінен Силин көшесіне дейінгі бөлігінде тұрғындардың демалуына және бос уақытын өткізуге арналады деп жоспарлануда. 
Ауданы 0,2 га аумақта тротуар плиталарынан жаяу жүргіншілер жолдарын орнату бойынша жұмыстар жүргізіліп жатыр. 

Мұнда балалар ойын алаңдары орнатылып, жарық түсіріліп, ағаш отырғызылады.
Бұл аймақ бұрын қоқыс пен ағаш кесінділеріне толы болған. Жұмыс биыл қараша айында аяқталады деп күтілуде.