Сайлау. Жалпыұлттық социал-демократиялық партия ОСК-ға құжат тапсырды

Жалпыұлттық социал-демократиялық партия ОСК-ға құжат тапсырды, деп хабарлайды BAQ.KZ тілшісі.

Құжаттар ОСК-ға «Сайлау туралы» Конституциялық заңның  87-бабында көзделген тізбеге сәйкес ұсынылды.

Жалпыұлттық социал-демократиялық партиясы барлық тиісті құжатты Орталық сайлау комиссиясына ұсынды.

Мынадай құжаттар екі тілде ұсынылды: 

- саяси партияның жоғарғы органының партиялық тізімді ұсыну туралы хаттамасынан үзінді көшірме; 

- саяси партияның Әділет министрлігінде тіркелгені туралы құжаттың көшірмесі; 

- партия өкілінің өкілеттіктерін растайтын құжат; 

- партиялық тізім (электронды және қағаз түрінде);

- азаматтардың партиялық тізімге енгізуге келісімі туралы өтініші; 

- тізімге енгізілген әрбір кандидаттың өмірбаяндық деректері; 

- партиялық тізімге енгізілген әрбір кандидаттың жеке куәліктерінің көшірмелері және т.б.

Кезектен тыс Мәжіліс пен мәслихаттар сайлауына партия атынан бәсекеге  партияның 19 өкілі кіреді. Ал бірмандатты округтен 6 адам қатысады. Бұл Атырау, Қызылорда, Алматы, Павлодар, Қостанай және Ақмола облыстары.