Саяси қуғын-сүргін құрбандарын ақтау – тәуелсіздік жемісі

«Жаңарған Қазақстан» арнайы репортажының кезекті саны «Саяси қуғын-сүргін құрбандары» жайлы болмақ, деп хабарлайды BAQ.KZ.

«Халық жауларын анықтау» саясаты салдарынан Қазақстанда 100 мың адам сотталған, олардың 25 мыңы ең жоғары жазалау шарасы – ату жазасына кесілді.

Тәуелсіздік алғаннан кейін елімізде Саяси қуғын-сүргін құрбандарын ақтау бойынша жұмыс басталды. 1993 жылы 14 сәуірдегі «Жаппай саяси қуғын-сүргін құрбандарын ақтау туралы» заң қабылданды.

2020 жылы саяси қуғын-сүргін құрбандарын толық ақтау үшін президент Қасым-Жомарт Тоқаевтың бастамасымен мемлекеттік комиссия құрылды.

2022 жылы мемлекеттік комиссия жұмысының нәтижесінде саяси қуғын-сүргін тарихына арналған материалдар мен құжаттардың 31 томдық жинағы жарық көрді. Кітаптар ХХ ғасырдың 20-50 жылдарындағы саяси қуғын-сүргін құрбандарының түрлі санаттарына қатысты бұрын жарияланбаған архив құжаттары мен материалдарынан құралған. Осы және өзгеде ақпараттарды репортаждан біле аласыздар.

Бұған дейін «Жаңарған Қазақстан» арнайы репортажы «Ұлттық құрылтай» туралы болған еді.