Сәуірде тәуір бола ма. Үш күнге арналған ауа райы болжамы

Нұр-Сұлтан, BAQ.KZ. Қазгидромет алдағы үш күнге арналған, яғни 1-3 сәуірге арналған ауа райы болжамын жариялады.

Мәскеу аудандарынан антициклон біртіндеп шығысқа қарай ығысады, осыған байланысты Қазақстан аумағының басым бөлігінде жауын-шашынсыз ауа райы сақталады. 

Кезеңнің ортасынан бастап батыс аймақтарға солтүстіктен және оңтүстіктен циклонның әсерінен жаңбыр жауып, жел күшейеді. 

Фронтальды бөліктердің әсерінен елдің оңтүстігінде, оңтүстік-шығысында жауын-шашынды болып, тұрақсыз ауа райы сақталады. Еліміздің кей жерінде тұман, көктайғақ, желдің күшеюі, оңтүстік-батыста шаңды дауыл тұрады.