Саран қаласында 173 адам қайта оқыту курсынан өтті
Нұр-Сұлтан, BAQ.KZ. Осы жылдың басынан Саран қаласында 173 адам қысқа мерзімді қайта оқыту курсынан өтті. Олар тігінші, пішуші, аспаз, кондитер, электромонтер, жүйелік әкімші, шаштараз және т.б. мамандықтарын меңгерген, деп хабарлады Қарағанды облысы әкімдігінің баспасөз қызметі.
Саран қаласында қысқамерзімді курстар нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған "Еңбек" бағдарламасы аясында ұйымдастырылды.
Оқу таңдалған мамандыққа байланысты бір айдан алты айға дейін жалғасады. Студенттерге стипендия төлейді және қажет болған жағдайда жол жүру шығындары өтеледі.
Саран қаласында арнайы курстан А. Құнанбаев атындағы гуманитарлық-техникалық колледжінде, "Galex Plus" тігін-трикотаж фабрикасында және "A. V. Group" ЖШС, "Asia Tex" ЖШС және "Nurkuat Energy" ЖШС кәсіпорындарында өтуге болады.
Сонымен қатар курс түлектеріне жұмыс табуға көмектеседі. Мысалы, жақында шаштараз мамандығын игерген Азиза Смағұлова өз жұмысын таба алды.
"Келесі аптада Ақтастағы салонға жұмысқа барамын. Өз шеберлігімді жетілдіруді жоспарлаймын - курстарда оқып, семинарларға қатысып, шеберлік сабақтарға қатысуды көздеп отырмын", - дейді ол.
Курстардың тағы бір түлегі Қарлығаш Балтабекова өзінің жекеменшік сұлулық салонын ашуды жоспарлап отыр. Ол шаштараз өнері курсын ғана емес, "Бизнес Бастау" бағдарламасы бойынша кәсіпкерлік курсын тәмамдады.
"Балаларға арналған салон ашқым келеді. Аналар маған балаларын алып келгенін армандаймын, және оларды жылы шыраймен қабылдап, сапалы қызмет көрсетуін қалаймын. Менің клиенттерім әрдайым менің салонымнан жақсы көңіл-күймен оралуын армандаймын. Мен адамдармен жұмыс істеуге үйренемін және енді жұмыс кезінде әр адамның пікірін ескеру қажет екенін дәл білемін. Мен оқуымды жалғастырамын, себебі сұлулық индустриясы жылдам алға қарай қадам басып келеді, бәсекелестік өте үлкен", - деді ол.
Осындай қайта даярлау курстары Қарағанды облысының барлық қаласында өтеді. Жұмыспен қамту орталықтарында қандай мамандықтарды игеруге болатынын және оқуға қалай түсуге болатынын білуге болады.