Санжар Тәшкенбай Азия чемпионы атанды

Бокстан Бангкокта өтіп жатқан 22 жасқа дейінгі Азия чемпионатында отандасымыз Санжар Тәшкенбай Азия чемпионы атанды, деп хабарлайды BAQ.KZ.

Финалда өзбек боксшысы Шодиержон Меликузиевке мықтылығын мойындатты. 

48 килоға дейінгі салмақта өткен жекпе-жекте отандасымыз төрешілер шешімі бойынша 29:28, 29:28, 28:28, 29:28 және 29:28 есебімен жеңіске жетті. 

Қазақстаннан финалға 6 боксшы шыққан еді. Алда 5 боксшымыз финалда бақ сынайды.