Санитарлық авиация жаңа туған сәбиді Павлодардан Астанаға шұғыл жеткізді

Қазақстан Республикасы Төтенше жағдайлар министрлігінің "Қазавиақұтқару" тікұшағының экипажы дәрігерлермен бірлесіп, шұғыл санитарлық рейс орындады.

Олар Павлодар қаласынан 14 күндік сәби мен анасын Астанаға жеткізді.

Рейс 2 сағатқа созылды, ал нәресте арнайы медициналық көмек көрсету үшін "Жүрек" кардиохирургиялық орталығына жеткізілді. Ұшу барысында ТЖМ қызметкерлері қауіпсіз тасымалдауды қамтамасыз етті, - деп жазылған ТЖМ хабарламасында.