Санасыз ба, шарасыз ба: Медбике некесін сақтаймын деп үш қызын өлтірген

Грекияда медбике үш қызын өлтіргені үшін өмір бойына бас бостандығынан айырылды, деп хабарлайды BAQ.KZ.

CBS News таратқан мәліметке сәйкес, бұл іс көп уақыттан бері грекиялықтардың назарында болған.

Афины соты Рула Писпиригу 2019 және 2021 жылдары қыздары Малена мен Ириданы тұншықтырып өлтірген. Бұл әрекетке "күйеуі өзін тастап кетпес үшін" барғанын айтып ақталды.

36 жастағы Писпиригу өзін "кінәсізбін" деп санайды және сот үкіміне шағым түсіремін деп отыр. Бәрі бір ауыздан әйелді кінәлі деп таныған үш және төрт алқабилер сотына жүгінген ол қыздарының суреттерін көрсетіп, "өз шындығын" айтты.

Мен қыздарымды ақтап алу үшін соңына дейін барамын. Жүздеріне жақсылап қарап алыңыздар, олар сіздерді өмір бойы мазалайтын болады, - деді ол.

Адам лық толы сот залында Писпиригудың бұрынғы күйеуі Манос Даскалакис пен әйелдің туыстары да болған. Анасының қолынан ажал құшқан қыздары Малена мен Айристің жастары небәрі үш жарымда және алты айлық болғаны айтылды.

Грек БАҚ-тары Писпиригуді күйеуі басқа әйел үшін тастап кеткен соң өз ұлдарын өлтірген грек мифологиясындағы кейіпкерге ұқсатып, "қазіргі Медея" деп атады.