Сағынтаев: Алматыда бір адамға шаққандағы жасыл желек 1,6 есеге өсті
Нұр-Сұлтан, BAQ.KZ. Мегаполистің басшысы Бақытжан Сағынтаев «Алматының 2021 жылы дамуы: абаттандыру және көгалдандыру жобалары» онлайн-таныстырылымы барысында ең жасыл қала мәртебесіне қайтару үшін Алматыда қандай шаралар қабылданып жатқаны туралы айтты.
Қала басшысы, басты мақсат - қала өмірі үшін жайлы орта құру екенін айтты. Ал даму жоспарлары «Алматы-2050» Стратегиясында анықталған. Бірінші және басты басымдық - «Жасыл қала».
Жүргізілген инвентаризация көрсеткендей, қалада 2,6 миллион ағаш бар, бірақ ағаштардың 23%-ы ескі және апатта жағдайда. Жасыл желектердің нақты қоры небары 1,9 мың ағашты құрайды. Қаламыздың дамуы басталған - Түрксіб, Жетісу, Алмалы және Бостандық аудандарында ескі ағаштар жетерлік.
Жасыл желектермен қамтамасыз ету 1 адамға шаққанда 7,7 м2 құрайды, бір жыл бұрын бұл көрсеткіш 4,6 м2 болғанымен, ал норма бойынша 10 м2-ден кем болмауы тиіс, - деп атап өтті Бақытжан Сағынтаев.Бұл бағытта жұмыстар жалғасуда. Экология мен көгалдандыру - қала тұрғындары үшін ең сезімтал нүктелер. Сондықтан қала басшылығы мен экология және жасыл қор проблемаларына қатысы бірқатар шараларды қабылдады.
Біздің мақсатымыз - қалаға жасыл және танымал мәртебесін қайтару. 2019 жылдың қыркүйегінде «Жасыл Алматы» бағдарламасы жарияланды, оның басты мақсаты - қаланың жасыл қорын қалпына келтіру ғана емес, оны дамыту болып табылады, - делінген ақпаратта.
2020 жылы жасыл желектердің рекордтық саны - 282 мың көшет отырғызылды. Биылғы жылы 350 мың ағаш отырғызу басталды. Көктемде 50 мың ағаш отырғызылады, негізгі отырғызу күзде болады, өйткені бұл ең қолайлы уақыт.
Көгалдандырудың үлкен жоспарларымен бірге көгалдандыру саясатының өзі түбегейлі өзгерді.Көгалдандыру тәсілдерінің өзгеруімен «Жасыл аула» акциясы басталды. Әр тұрғын мамандардың қадағалауымен өз ауласына немесе жол бойына ағаш отырғыза алады. Тек осы демалыс күндері 600 ағаш отырғызылды. Біз белсенді қатысқаны үшін алматылықтарға ризамыз. Мұндай акциялар жалғасатын болады, - делінген ақпаратта.
MUTE
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Шегірткемен күреске 65 млн теңге бөлінді
Өзгелердің жаңалығы