С5+1. Қазақстан көпвекторлы әрі салмақты сыртқы саясатын жалғастырады – Тілеуберді

Астанада Сыртқы істер министрі Мұхтар Тілеуберді АҚШ мемлекеттік хатшысы Энтони Блинкенмен кездесті, деп хабарлайды BAQ.KZ тілшісі.

Бізді АҚШ мемлекеттік хатшысы Энтони Блинкеннің Орталық Азиямен ынтымақтастысқа адал екенін көру қуантады. Бұл - оның осы өңірге жасаған алғашқы сапары. Президент Қасым-Жомарт Тоқаевтың айқындап берген дипломатиялық басымдықтарымыз ретінде Қазақстан өзінің көпвекторлы әрі салмақты сыртқы саясатын жалғастырады, – деді Мұхтар Тілеуберді.

Министрдің айтуынша, осы тұрғыда Орталық Азия және АҚШ біз үшін басымдықтар береді.

Бұл С5+1 форматы Қазақстан үшін бұрынғыдан да өзекті. Біздің ұжымдық күш-жігеріміздің арқасында C5+1 маңызды құралға айналды. Ол экономикалық сауда байланысын нығайтуда және ортақ міндеттерді тиімді шешу жолында елдерімізді біріктіреді, – деді ҚР Сыртқы істер министрі.

С5+1 кездесуіне Өзбекстан, Қырғызстан, Тәжікстан, Түрікменстанның сыртқы істер министрліктері қатысып жатыр.