С. Бердіқұлов атындағы «Үздік спорт журналисі» байқауына өтінім қабылдау басталды

Қазақстан Республикасы Туризм және спорт министрлігінің Спорт және дене шынықтыру істері комитеті белгілі қаламгер, көрнекті көсемсөз шебері, қазақ спорт журналистикасының негізін қалаушы Сейдахмет Бердіқұлов атындағы дәстүрлі байқауға материалдар қабылдау басталғанын жариялады. Байқауға кез келген БАҚ өкілдері спорт тақырыбындағы материалдарын ұсына алады, деп хабарлайды BAQ.KZ.

Байқауға өтінімдер 2024 жылдың 1 желтоқсанына дейін қабылданады.

Конкурс жыл сайын желтоқсан айының екінші жартысында үш номинация бойынша өткізіледі:

1. «Үздік спорттық телевизиялық репортаж»;
2. «Үздік спорттық жарияланым»;
3. «Үздік спорттық фоторепортаж».

Өтініштер мен мақалалар Астана қаласы, Мәңгілік ел көшесі, 8 үй, 6 қабат, Спорт және дене шынықтыру істері комитетінің баспасөз қызметіне немесе sportpress86@mail.ru электрондық поштасы арқылы («2024 жылғы С. Бердіқұлов атындағы байқауға» деген белгімен) қабылданады, - деп жазылған хабарламада.