Рыбакина Abu Dhabi Open турнирінің ширек финалына шықты

Әлемнің 5-ракеткасы Елена Рыбакина Абу-Дабиде (БАӘ) өтіп жатқан Abu Dhabi Open турнирін жеңіспен бастады, деп хабарлайды BAQ.KZ.

Қазақстандық теннисші рейтингі жоғары болғандықтан, жарысты бірден екінші айналымнан бастады. Оның қарсыласы америкалық Кэти Волынец (68-орын) болды.

Рыбакина бірінші сетте күтпеген жерден қарсыласына есе жіберді – 2:6.

Дегенмен, Елена екінші сетте қарсыласынан мықтырақ болып шықты – 6:4.

Шешуші сетте Рыбакина шеберлік танытып, 6:4 есебімен жеңісті жұлып әкетті.

Матч 2 сағат 28 минутқа созылды.

Жеңіске жеткен Рыбакина турнирге қатысты пікір білдірді.

Mubadala Abu Dhabi Open турнирінің бірден Аустралия ашық чемпионатынан кейін өтуі мен үшін өте ыңғайлы болды. Дәл қазір өзімді физикалық және психологиялық тұрғыдан керемет сезінемін. Сондықтан лайықты нәтиже көрсетіп, жүлде үшін күресуге ниеттемін, - деді Рыбакина Emirates247.com сайтына берген сұхбатында.

1/4 финал 6-ақпан, 18:00-де басталады.