Руанда басшысы Қазақстан қалай гүлденіп жатқанын айтты
Руанда Президенті Поль Кагаме Астанада өтіп жатқан AIF-2025 форумында Қазақстан халықтың батылдығының нәтижесінде гүлденіп жатқанын айтты, деп хабарлайды BAQ.KZ тілшісі.
Қазақстанның гүлденуі - оның батыл көшбасшылығы мен бейімделгіштігінің және Қазақстан халқының батылдығының нәтижесі. Бұл форум тек диалог үшін ғана емес, сонымен қатар прагматикалық ынтымақтастық үшін тиімді платформа. Қазіргі кезде әлем бөліп, ыдырап жатқан заманда осы жылғы фокус жаһандық деңгейдегі сын-тегеуріндер бір-бірімен байланысты екенін көрсетіп отыр. Біздің әрекеттеріміз міндетті түрде бір-бірімен байланысты болуы керек. Бұл сыртқы саясатқа және халықаралық ынтымақтастыққа деген ұстанымымызды өзгертуді қажет етеді, - деп санайды ол.
Поль Кагаменің сөзінше, сыртқы одақтастармен бірігу ішкі серіктестікпен бірге жүруі керек. Ішкі серіктестік, ынтымақтастық және бейбітшілік болмаса, ол керісінше біздің осалдығымызды тереңдете түседі.
Бейбітшілік пен қауіпсіздік біз үшін аса маңызды. Экономикалық бейімделгіштікті нығайту және өңірлік интеграцияны дамыту біз үшін аса маңызды. Халықаралық серіктестермен ынтымақтастықты жүргізу өзара құрметті нығайта түседі. Бұл қағидаттар жаһандық экономикаға өз үлесін қосады, - деп айтты Руанда Президенті.
AIF-2025 форумы өз жұмысын бастайтыны туралы жаздық. Ауқымды іс-шара Астанада өтіп жатыр. Мемлекет басшысы Қасым-Жомарт Тоқаев AIF-2025 әлемде белгісіздік белең алған кезеңде өтіп отырғанын, сондай-ақ Қазақстан 450 ядролық сынақтың зардабымен әлі күнге дейін бетпе-бет келіп отырғанын атап өтті. Президент жиын барысында Қазақстан қандай қағидатты қатаң ұстанатынын, сонымен қатар еліміз жасанды интеллектіні дамытуға ерекше мән беретінін айтты.
Мемлекет басшысы Қасым-Жомарт Тоқаев елордада өтіп жатқан AIF-2025 форумында елімізде қандай реформалар жүргізілгенін, БҰҰ Қауіпсіздік Кеңесіне реформа керек екенін айтты.
Сонымен қоса Президент ынтымақтастық туралы айтып, форум не үшін құрылғанын атап өтті.