Республикалық трассаның 6 учаскесінде жол ашылды

Республикалық автожолдардың 6 учаскесінде жол қозғалысына енгізілген уақытша шектеу алынды, деп хабарлайды BAQ.KZ.

Бұл Ақмола және Қостанай облыстарындағы бірқатар күре жолға қатысты. 

Ақмола облысында: 

"Екатеринбург-Алматы" тасжолында Жақсы ауылынан Атбасар қаласына дейін; 

"Жақсы-Есіл-Бұзұлық" тасжолында Жақсы ауылынан Бұзылық ауылына дейін; 

"Қостанай-Әулиекөл-Сұрған" тасжолында Қостанай облысы шекарасынан Сұрған ауылына дейін; 

"Жезқазған-Петропавл" тасжолында Қостанай облысы шекарасынан Знаменка ауылына дейін; 

Қостанай облысында "Қостанай-Әулиекөл-Сұрған" тасжолының Октябрьский ауылынан Ақмола облысының шекарасына дейінгі аралығы ашық. 

Cондай-ақ "Жезқазған-Петропавл" күре жолының Арқалық қаласынан Ақмола облысының шекарасына дейінгі аралығы ашық.