Республикалық маңызы бар 13 жолда көлік қозғалысы шектелді

Республикалық маңызы бар автомобиль жолдарындағы су тасқыны туралы жаңартылған ақпарат ұсынылды, деп хабарлайды BAQ.KZ "ҚазАвтоЖол" ҰК баспасөз қызметіне сілтеме жасап.

2024 жылғы 12 сәуірдегі сағат 09:00 жағдай бойынша халықаралық және республикалық маңызы бар автомобиль жолдарында ауа райының жылынуы мен қардың тез еруі салдарынан 4 облыста (Ақмола, СҚО, Атырау, Қостанай) 7 жол жүру учаскесінде жалпы ұзындығы 8695 метр жететін су тасқыны болды, - делінген хабарламада.

6 облыстағы (Ақтөбе, Ақмола, Атырау, Қостанай, Маңғыстау, СҚО) республикалық маңызы бар 13 автомобиль жолдарында (ұзындығы 618 км) қозғалысқа шектеу қойылды. Қазіргі таңда республикалық жолдарда 450 бірлік техника мен 853 адам жұмылдырылған.