Ресейдегі халықаралық турнирде төрт боксшы финалға шықты

Нұр-Сұлтан, BAQ.KZ. Қазақстандық төрт боксшы Санкт-Петербургте бокстан халықаралық турнирдің финалына шықты, деп хабарлайды Olympic.kz.

Бұл күндері Ресейде былғары қолғап шеберлері өзара мықтыны анықтап жатыр. Осы күнге дейінгі жарыс нәтижесі бойынша Қазақстан сапынан Махмұд Сабырхан, Асланбек Шымбергенов, Әбілхан Аманқұл және Бекзад Нұрдәулетов финалда жұдырықтасады. 

Ал жартылай финалда қарсыластарына жол берген Даниал Сабит, Бекнұр Ожанов және Айбек Оралбай қоланы қанағат тұтты.