Ресейде белгісіз тікұшақтар мұнай базасын оқтың астына алды

Нұр-Сұлтан, BAQ.KZ. Ресейдің Белгород қаласындағы мұнай базасында өрт шықты. Оқиға орнында төтенше жағдайлар қызметі жұмыс істеп жатыр, деп хабарлайды Tengrinews.kz.

Бұл туралы Белгород губернаторы Вячеслав Гладков мәлімдеді. Саясаткер әуе соққысына Украина қарулы күштерін айыптады.

Мұнай базасында Украина қарулы күштері екі тікұшағының әуе соққысы нәтижесінде өрт шықты. Олар Ресей аумағына төмен биіктікте кірген. Зардап шеккендер жоқ. Төтенше жағдайлар министрлігі өртті тез арада ауыздықтауға тырысып жатыр. Оқиға орнына барлық төтенше жағдайлар қызметі аттанды, 170-тен астам адам және 50 техника жұмылдырылды. Өртті жою шаралары жүргізіліп жатыр. Тұрғындарға қауіп жоқ, – – деп жазды губернатор Telegram-арнасында.

Губернатордың айтуынша, екі қызметкер зардап шеккен. Оларға алғашқы медициналық көмек көрсетілген, өміріне қауіп жоқ. Сондай-ақ ол Почтовая, Макаренко және Константин Заслонов көшелеріндегі тұрғындарды «қауіпсіз жерге» көшіру басталғанын айтты.