Ресей мен Украина тұтқындармен алмасты

Ресей мен Украина тұтқындардың жаңа алмасуының бірінші кезеңін өткізді. Жас және жараланған әскери тұтқындардың алмасуын Украина президенті Владимир Зеленский мен Ресей Федерациясының Қорғаныс министрлігі растады. Қанша адам үйіне оралғаны әзірге нақты анықталған жоқ, деп хабарлайды BAQ.KZ тілшісі Deutsche Welle агенттігіне сілтеме жасап. 

Ресей мен Украина Ыстамбұлдағы келіссөздер барысында тараптар келіскен жаңа әскери тұтқындар алмасуының бірінші кезеңін өткізді. Бұл ақпарат дүйсенбі, 9 маусымда Украинаның әскери тұтқындарды басқару жөніндегі үйлестіру штабы, ел президенті Владимир Зеленский, сондай-ақ Ресейдің Қорғаныс министрлігі өз ресурстарында жарияланды. 

25 жасқа толмаған әскери тұтқындар үйлеріне оралды. Украина тарапының мәліметінше, жараланған және ауыр жараланған әскери қызметшілер де айырбасталды. 

Процесс өте күрделі, көптеген нәзік сәттер, келіссөздер күн сайын жалғасуда, - деп жазды Зеленский өзінің Telegram-дағы ресми парақшасында. 

Айырбастаушылардың нақты саны әлі нақтыланбаған, бірақ тараптар бұл процедураның "алдағы күндері" бірнеше кезеңде өтетінін растады. 

Ыстамбұлдағы кездесу аясында қол жеткізілген гуманитарлық мәселелер бойынша уағдаластықтар толығымен іске асырылады деп күтеміз, - деп толықтырды Украина президенті. 

Ресей Федерациясының Қорғаныс министрлігі өз кезегінде Мәскеу мен Киевтің бір-біріне бірдей адамдар бергенін түсіндірді. Ресей әскери қызметшілері Беларуссияда, оларға көмек көрсетіледі. Кейінірек олар, министрлікте айтылғандай, емделу және оңалту үшін ресейлік медициналық мекемелерге жеткізіледі. Украинаның әскери тұтқындармен жұмыс жөніндегі үйлестіру штабы босатылғандардың соңғы саны "қауіпсіздік мақсатында" – бүкіл айырбастау процесі аяқталғаннан кейін ғана белгілі болатынын түсіндірді.