Ресей мен Украина Қара теңіз бойынша қандай келісімге келді?
АҚШ-тың Сауд Арабиясында жүргізген келіссөздерінен кейін Ресей мен Украина Қара теңізде әскери күш қолдануды тоқтатып, коммерциялық кемелерді әскери мақсатта пайдаланбауға келісті, деп хабарлайды BAQ.KZ aljazeera сайтына сілтеме жасап.
Бұл келісімнің мақсаты – Қара теңізде қауіпсіз навигацияны қамтамасыз ету және аймақтағы шиеленісті азайту.
Ресей мен Украина Қара теңізде күш қолданудан бас тартып, коммерциялық кемелерді әскери мақсатта пайдаланбауға міндеттенді.
АҚШ Ресейдің ауыл шаруашылығы және тыңайтқыш өнімдерін әлемдік нарыққа шығаруға көмектесуге, теңіз сақтандыру шығындарын төмендетуге және порттар мен төлем жүйелеріне қолжетімділікті жақсартуға келісті.
Ресей бұл келісімді жүзеге асыру үшін алдымен өздерінің ауыл шаруашылығы банкі – Россельхозбанкке және басқа да қаржы ұйымдарына салынған санкцияларды алып тастауды талап етті.
Бұл келісімнің табысты жүзеге асуы бірнеше факторларға байланысты, яғни АҚШ пен оның одақтастары Ресейге салынған санкцияларды жеңілдетуге келісуі керек.
Ресей мен Украина бір-біріне сенім артып, келісім шарттарын орындауы қажет.
Сондай-ақ Түркия мен Үндістан сияқты елдердің делдалдық көмегі келісімнің орындалуына ықпал етуі мүмкін.
Дегенмен сарапшылар бұл келісімнің ұзақ мерзімді табысына күмәнмен қарайды, себебі тараптар арасында әлі де сенімсіздік бар және келісім шарттарының орындалуы көптеген факторларға тәуелді.