Үш күнге арналған ауа райы болжамы

Нұр-Сұлтан, BAQ.KZ. Қазгидромет алдағы үш күнге, яғни 28-30 сәуірге арналған ауа райы болжамын ұсынады.

Алдағы күндері Қазақстанда тұрақсыз ауа райы сақталады. Белсенді фронтальды бөліктердің өтуімен кей жерлерде қатты жаңбыр күтіледі. Кей жерлерде найзағай, тұман түсіп, екпінді жел соғып, бұршақ түсуі мүмкін. Республиканың оңтүстік және оңтүстік-шығысында жаңбырға байланысты ыстықтың беті қайтады. Циклонның артынан Қара теңіз аудандарынан антициклон ығысып, жауын-шашынның бірте-бірте тоқтатылуын және ауа температурасының аздаған төмендеуін тудырады.