ҚР Премьер-министрінің Кеңсесі басшысының орынбасары ауысты

Астана, BAQ.KZ. ҚР Үкіметінде бірқатар кадрлық өзгерістер жасалды. Бұл туралы primeminister.kz сайты хабарлады.

ҚР Үкіметінің қаулысымен Әсет Арманұлы Ирғалиев ұлттық экономика вице-министрі лауазымынан босатылып, Премьер-Министрдің өкімімен ҚР Премьер-Министрінің Кеңсесі Басшысының орынбасары қызметіне тағайындалды.

Сонымен қатар, Арман Қайратұлы Евниев берген өтінішіне сәйкес ауыл шаруашылығы бірінші вице-министрі лауазымынан босатылды.

Бұдан өзге, ҚР Үкіметінің қаулысымен Берік Тұрсынбекұлы Бейсенғалиев берген өтінішіне сәйкес ауыл шаруашылығы вице-министрі қызметінен босатылды.

Ирғалиев Әсет Арманұлы 1987 жылғы 18 маусымда дүниеге келген.

2008 жылы Қазақстан менеджмент, экономика және болжамдау институтын,

Швецияның Халықаралық бизнес мектебін,

2009 жылы Йорк университетін

2010 жылы Ноттингем университетін бітірді. «Экономист» мамандығы.

2010 жылдан бастап 2012 жылға дейін - Шығыс Еуропа мен Кавказ аймақтық саясат сарапшысы, Лондондағы Еуропалық қайта құру және даму банкінің экономикалық департаменті. Лондонның Еуропа қайта құру және даму банкінің Экономикалық департаментінің бас маманы. Лондондағы Еуропалық қайта құру және даму банкінің Экономикалық департаментіндегі аймақтық экономист.

2013 жылдан 2016 жылға дейін - «Экономикалық зерттеулер институты» АҚ директорының орынбасары, вице-президенті, Басқарма төрағасының орынбасары, «Кәсіпкерлікті дамыту орталығы» АҚ Басқарма төрағасының бірінші орынбасары. «Экономикалық зерттеулер институты» АҚ Басқарма төрағасы.

2016 жылы - «Бәйтерек» ҰБХ »АҚ Басқарма Төрағасының кеңесшісі.

2016 жылдан 2018 жылға дейін - Қазақстан Республикасы Премьер-Министрінің кеңесшісі.

2018 жылы - Қазақстан Республикасы Премьер-Министрі Кеңсесінің Жобаларды басқару орталығының меңгерушісі.

2018 жылдан 2019 жылға дейін - Қазақстан Республикасы Ұлттық экономика вице-министрі.

2019 жылдың наурызынан - Қазақстан Республикасы Премьер-Министрі Кеңсесі Басшысының орынбасары.