Қызылордада мұнай өндіру жыл сайын азайып барады

Бұл туралы Энергетика вице-министрі Асхат Хасенов Қызылорда облысының тұрғындарымен кездесуде айтты, деп хабарлайды BAQ.KZ.

Қызылорда облысы мұнай өндіру көлемі бойынша 5-ші мұнай өндіруші өңір, оның үлесіне ел бойынша мұнай өндірудің жалпы көлемінің шамамен 4,8%-ы тиесілі. Өңірдегі игеріліп жатқан кен орындарының басым бөлігі игерудің соңғы сатысында, мұнда мұнай өндірудің жыл сайынғы табиғи төмендеуі байқалады, - деді ҚР Энергетика вице-министрі Асхат Хасенов Қызылорда облысының тұрғындарымен кездесуде сөйлеген сөзінде.

Жер қойнауын пайдаланушыларды қолдау және кен орындарының өмірлік циклін ұзарту үшін ҚР Энергетика министрлігі Ұлттық экономика және Қаржы министрліктерімен бірлесіп, өндірудің жаңа технологияларын дамытуға және енгізуге міндетті түрде қайта инвестициялау шартымен жетілген кен орындарын, оның ішінде салықтық сипаттағы қолдау шараларының пакетін ұсыну мәселесін пысықтауда.

Сондай-ақ Асхат Хасенов өз баяндамасында халықты жанар-жағармай материалдарымен қамтамасыз ету мәселелеріне жеке тоқталды. ҚР Энергетика министрлігі АИ-80, 92-93 стационарлық АЖҚС-да жазғы және маусымаралық дизель отынында бөлшек саудада өткізудің шекті бағаларын реттеуді белгіледі.

Қазақстанда ДО, АИ-92, АИ-95 литрінің бөлшек сауда бағасы көршілес мемлекеттермен салыстырғанда едәуір төмен, бұл отандық мұнай өнімдерін әкетуге ықпал етеді және ішкі нарықта тапшылықты тудырады.

Мұнай өнімдерін әкетудің алдын алу бойынша ҚР Энергетика министрлігі мынадай шараларды қабылдады:

- шекара маңындағы елдерге бақылаусыз әкету тәуекелдерін төмендету мақсатында ДО бағасын саралау белгіленді, онда ДО бағасы бірнеше есе жоғары;

- мұнай өнімдерін автомобиль көлігімен әкетуге тыйым салу ұзартылды.

Сонымен қатар мұнай және мұнай өнімдерін жеткізу жүйесінде өнімсіз делдалдарды болдырмау үшін заңнамалық нормалар қабылданды.