Қызылордада бірнеше дүкенге ұрлыққа түскендер ұсталды

Қызылордада бірнеше дүкенге ұрлыққа түсіп, төлем терминалы мен сейфтен ақша ұрлаған екі азамат ұсталды, деп хабарлайды BAQ.KZ.

29 сәуір ойын орталығының қызметкері өзінің арызында белгісіз азаматтардың пластик терезені бұзып кіріп, 4 дана Playstation және 10 дана джостик құралын ұрлап кеткендігін айтқан. Күдіктілерді полицейлер бейнекамералар арқылы анықтады. 32 және 33 жастағы қала тұрғындары УҰИ-ға қамалды. 

Айғақ заттар тәркіленді. ҚР ҚК 188-бабының 3-бөлігімен сотқа дейінгі тергеп-тексеру әрекеттері жүргізіліп жатыр. Тексеру барысында ұрланған ақшаларды бас пайдаларына жаратқандығы анықталды, - деді Қызылорда облысы ПД криминалдық полиция басқармасының бөлім бастығы Аманжолов Нұғман.