Қызылордада 63 мыңнан астам адам Pfizer вакцинасын салдырды

Нұр-Сұлтан, BAQ.KZ. Қызылорда облысында 63 мыңнан астам адам Pfizer вакцинасын салдырды, деп хабарлайды облыстық санитариялық-эпидемиологиялық бақылау департаментінің баспасөз қызметі.

Қазірге дейін өңірде барлығы 63 093 адам Pfizer вакцинасының бірінші компонентін салдырды. Оның ішінде 12-17 жас аралығындағы жасөспірімдер – 55 385. 

Ал жүкті әйелдер арасында 2 469 адам бірінші компонентпен егілді. Ал лактация кезеңіндегі әйелдер арасында бірінші компонент алғандар – 5 231. 

Қаулылардағы соңғы өзгерістерге сәйкес вакцина медицина қызметкерлері, мүгедек адамдар, 50 және одан жоғары жастағы егде адамдарға салынады, - деп мәлім етті Қызылорда облыстық санитариялық-эпидемиологиялық бақылау департаментінен.