Қырғызстанға ізгілік көмек ретінде 1 000 тонна іріктелген қазақстандық бидай тұқымы жеткізілді
Нұр-Сұлтан, BAQ.KZ. Президент Қасым-Жомарт Тоқаевтың тапсырмасын іске асыру аясында Қырғызстанға Қазақстаннан 1000 тонна отандық іріктелген бидай тұқымы түрінде ізгілік көмек жеткізілді. Бұл туралы ҚР СІМ баспасөз қызметі хабарлады.
Жүкті тапсыру рәсімі «Бішкек-1» темір жол стансасында Қазақстанның Қырғызстандағы Елшісі Рәпіл Жошыбаев пен Қырғызстанның Ауыл шаруашылығы министрі Аскарбек Джаныбековтың қатысуымен өтті.
Министр іріктелген бидай тұқымдарымен қамтамасыз етуде құнды қолдау көрсеткені үшін Қазақстан тарапына шынайы ризашылығын білдірді және бұл ел фермерлер шығаратынын өнімнің сапасы мен өнімділігінің өсуіне әсер етеді.
Іріктелген тұқым түріндегі ізгілік көмек отандық тұқым сапасын арттырады. «Қарабалық-20» сортының қазақстандық тұқымдары себу стандартының бірінші санатына мынадай сорттық және себу сапасымен сәйкес келеді: ылғалдылығы – 14%-тен аспайды, өнгіштігі – 95%-тен кем емес, сорттық тазалығы – 99,7%-тен кем емес. Тұқымдар карантиндік арамшөптерден, аурулардан және кез келген бөтен иістерден тазартылған, – деп атап өтті А.Джаныбеков.
Өз кезегінде Елші ізгілік жүкті жеткізуді Қазақстан Үкіметі Мемлекет басшысының Қырғызстан Президенті Садыр Жапаровпен келіссөздерінің нәтижесімен берген тапсырмасына сәйкес ұйымдастырғанын атап өтті.
Қазақстан басшылығы Қырғызстанның өтініштеріне түсіністікпен қарап, маңызды әлеуметтік-экономикалық мәселелерді шешуге барынша ықпал етті және елеулі ізгілік көмек көрсетті.
Атап айтқанда, 2020 жылғы мамырда 5 мың тонна көлемінде қазақстандық ұнды жеткізу түрінде, ал бір жылдан кейін, 2021 жылдың мамыр айында 10 мың тонна ұн түрінде ізгілік көмек жіберілді.
Айта кетерлігі, іс-шара Наурыз мейрамы қарсаңында өтуде, ол халықтарымыз үшін әрдайым жаңарудың, алға жылжудың, өрлеу мен дамудың нышаны болып табылады.
«Қазақ қырғыз бір туған» деген қанатты сөз бекер айтылмаған. Бауырлас екі елдің ынтымағы одан әрі нығая беретініне сенімдімін, – деп атап өтті Елші Р. Жошыбаев.