Құтырма ауруы туралы не білу маңызды

Жыл сайын 28 қыркүйекте Дүниежүзілік құтырмаға қарсы күрес күні атап өтіледі, деп хабарлайды BAQ.KZ.

Құтырма - бұл адамдар мен жануарлардың аса қауіпті, өлімге әкелетін инфекциялық ауруы.

Санитарлық-эпидемиологиялық департамент басшысының орынбасары Жанна Пірәлиева аурудың белгілері мен одан сақтану жолдарын айтты.

Адам жабайы және үй жануарларының (жабайы, қаңғыбас және үй жыртқыштары), сондай-ақ жарқанаттардың сілекейімен немесе жануарлардың секрецияларымен, шырышты қабаттарымен және тістеумен құтырманы жұқтыруы (барлық жануарлар ауыруы мүмкін) мүмкін.

Құтырма ауруының белгілері: дене температурасының жоғарылауы, депрессия, ұйқысыздық, мазасыздық, тістеген жердегі ауырсыну (және ұзақ уақыт бойы тыртықтар), шудан, жарықтан тітіркену, аяқ-қол бұлшықеттерінің құрысуы, судан қорқу, сандырақ, қорқыныш сезімі, галлюцинация, ауа қозғалысынан қорқу, сілекей бөлінудің артуы, тұншығу және тыныс алу бұлшықеттерінің параличі.

НЕГІЗГІ ЕСКЕРТУ ШАРАЛАРЫ:

- үй жануарларының құтырмасына қарсы вакцинациялау жасаңыз, егер жануардың мінезінде оғаштық байқалса, ветеринарға хабарлаңыз;
– жануар тістеген кезде (көбінесе ит), ең алдымен, сабынның көп концентрациясы бар сумен тістеген және сілекей аймағын барынша жуыңыз;
- дереу медициналық мекемеге хабарласыңыз, өйткені зардап шеккен адамды құтырмадан құтқарудың жалғыз жолы – уақтылы вакцинациялау.