Құтқарушылар жолда қалған бес адамға көмектесті

ТЖМ қызметкерлері ақаулы автокөліктен бес адамды құтқарды, деп хабарлайды BAQ.KZ.

Бұл туралы Төтенше жағдайлар министрлігі мәлімдеді.

Белгілі болғандай, Қызылорда қаласынан 25 шақырым қашықтықтағы "Самара-Шымкент" автожолында бес адам мінген жеңіл көлік бұзылып қалған.

Адамдар 112 нөміріне көмек сұрап қоңырау шалды. ТЖМ күштері Қызылорда қаласына 5 адамды, оның ішінде 3 баланы құтқарды. Олар медициналық көмекке мұқтаж болған жоқ, - деп атап өтті ведомстводан.

Төтенше жағдай туындаған жағдайда 112 нөміріне хабарласу қажет.