Құтқарушылар жеке үй ауласынан жыланды ұстап алды

ТЖМ құтқарушылары жеке үйдің ауласынан жыланды ұстап алды, деп хабарлайды BAQ.KZ.

Алматы облысы ТЖД кезекші қызметіне Еңбекшіқазақ ауданына қарасты Азат ауылындағы жеке тұрғын үйден жылан табылғаны туралы хабарлама келіп түсті.

Оқиға орнына ;жеткен жедел-құтқару жасағының мамандары арнайы құрылғының көмегімен рептилияны сәтті ұстап алды. Жорғалаушы елді мекеннен алыс жердегі табиғи ортаға жіберілді. Үй тұрғындары ТЖМ құтқарушыларына алғыс білдірді.

Еске салайық, бұған дейін Талдықорғанда үйге екібасты жылан кіріп кеткен болатын. Сондай-ақ, 85 жастағы әже ауласында жүрген жыланды жалаң қолымен ұстап алған еді.