Құтқарушылар Қытай азаматтарын қар құрсауынан босатты

ТЖМ құтқарушылары Қытай азаматтарын қар құрсауынан босатты, деп хабарлайды BAQ.KZ ведомствоға сілтеме жасап.

Белгілі болғандай, Қарағанды облысының 112 қызметіне қар құрсауында қалып, өз бетінше шыға алмай жатқан ҚХР екі азаматы туралы хабарлама келіп түскен.

Сапарды қысқартуға ұмтылып, тас жолдан бұрған ер адамдарды құтқарушылар Қарқаралы ауданының Аққора ауылынан 15 шақырым жерде тапты. Автокөлік тас жолға сүйретіліп, аудан орталығына дейін сүйемелденді. Құтқарылғандарға медициналық көмек қажет емес еді, - делінген хабарламада.

ТЖМ ауа-райының қолайсыздығында тек үлкен жолдар мен тас жолдармен жүру керек екенін еске салады.