Құтқарушылар астаналықтарға үндеу жолдады
Астанада жыл басынан бері өткен жылмен салыстырғанда өрт 7%-ға аз болды. Оқиғалар көбінесе жеке секторда, көлік құралдарында және салынып жатқан нысандарда болды. Бұл – барлық өрттің 80%-ы, деп хабарлайды BAQ.KZ.
Елорда әкімдігінің ресми сайтының мәліметіне сүйенсек, 2018 жылдан бастап қала аумағында көлікте 1023 өрт тіркелді.
Онлайн брифингте өрттің алдын алу туралы Астана қаласы ТЖД Мемлекеттік өрт бақылау басқармасының бастығы Еркін Отарғалымұлы айтып берді.
Табиғи өрттердің алдын алу және онымен күресу саласындағы жұмыс тәжірибесі, сондай-ақ істердің жай-күйін талдау аумақтың жану деңгейіне әсер ететін бірқатар жағымсыз себептердің болуын көрсетті. Олардың арасында - температура фонының жоғарылауы және жауын-шашын тапшылығы.
Төтенше өрт қаупінің сақталуына байланысты елорда тұрғындары мен қонақтарына тұрмыстық деңгейде және табиғатта болған кезде өрт қауіпсіздігі ережелерін сақтау қажеттігі туралы хабарлағым келеді. Сонымен қатар жоғары өрт қауіптілігі кезеңінде жердің барлық санатында шөпті өртеуге тыйым салынғанын еске салғым келеді, - деді спикер.
Қалада 430 мың автокөлік бар, күн сайын облыстан қалаға қосымша 90 мың көлік келеді. Осыған байланысты көліктегі өрттер бойынша жедел жағдайы күрделі күйінде қалып отыр.
Ұзақ уақыт бойы механизмдер мен электр жабдықтарының ақаулары бар автокөлік құралдарын пайдалану, сондай-ақ әртүрлі қосымша электр жабдықтарын (тұтану жүйесі, жарықтандыру аспаптары, жарық және дыбыстық дабылдар және т.б.) рұқсатсыз пайдалану қызып кетуге, электр жабдықтарының қысқа тұйықталуына әкеледі. Салдарынан өрт туындайды, - деп атап өтті Астана ТЖД басқарма басшысы.
Жүргізілген талдауға сәйкес 10 және одан да көп жыл бұрын шыққан көлік құралдарының жаңасында өрт қауіпті болып қала береді. Мысалы, 2018 жылдан бастап қала аумағында көлікте 1023 өрт тіркелді. Бұл олардың жалпы санының 1/3 бөлігін құрайды. Аталған кезеңде қоғамдық көлікте 36 өрт тіркелді. Төтенше жағдайларға жол бермеу мақсатында автопарк басшылары мен жауапты лауазымды тұлғалар елорданың қоғамдық көлігінің техникалық жай-күйіне бақылауды күшейту қажет.