ҚР Президентінің БАҚ саласындағы сыйлығы иегерлерінің тізімі жарияланды

Қазақстан Республикасы Президентінің БАҚ саласындағы сыйлығы иегерлерінің тізімі жарияланды. Бұл туралы Ақорданың баспасөз қызметі хабарлады. 

Мемлекет басшысының 2026 жылғы 24 маусымдағы №304 өкімімен

Қазақстан Республикасы Президентінің БАҚ саласындағы сыйлығы:

1. «Time kz» желілік басылымының бас редакторы – Руслан Фанилевич Бахтигареевке;

2. «Egemen Qazaqstan» газетінің Ақмола облысындағы меншікті тілшісі – Байқал Қайырлыұлы Байәділге;

3. «NewTimes kz» ақпарат агенттігінің фототілшісі – Әлібек Әбдубәкірұлы Ибраевқа;

4. «Qazaqstan» телеарнасы ақпараттық-сараптамалық бағдарламалар дирекциясы директорының орынбасары – Қайрат Жанатұлы Мұсақұловқа берілді.

Қазақстан Республикасы Президентінің БАҚ саласындағы гранты:

1. «Baq kz» ақпарат агенттігінің аға тілшісі – Олжас Адайға;

2. «Хабар» агенттігі ақпараттық-сараптамалық бағдарламалар қызметінің редактор-сарапшысы – Ботагөз Бейсенбайқызы Айтжановаға;

3. контентмейкер, креативті индустрияны дамыту жобаларының авторы – Жазира Жомартқызы Байдалыға;

4. «Zakon kz» ақпарат агенттігінің тілшісі – Екатерина Алексеевна Елисееваға тапсырылды.

Қазақстан Республикасы Президентінің БАҚ саласындағы Алғысы:

1. «Астана» телеарнасының шығармашылық ұжымына;

2. «Вечерний Алматы» газетінің шығармашылық ұжымына;

3. «Жас Алаш» газетінің шығармашылық ұжымына;

 4. «Abai kz» ақпараттық порталының шығармашылық ұжымына жарияланды.

Іс-шарада Jibek Joly телеарнасының тележүргізушісі Айгүл Мүкей, креативті индустрияны дамыту жобаларының авторы Жазира Байдалы және Almaty Aqparat медиахолдингінің бас директоры Ержан Қалымбайұлы сөз сөйледі.

Президент БАҚ өкілдерімен бірге суретке түсті.