Қостанайлық оқушы 4-қабаттың терезесінен құлап кетті

Қостанай облыстық ПД бұл аймақтағы жыл басынан бергі сегізінші оқиға екенін айтты, деп хабарлайды BAQ.KZ.

27 мамырда сағат 11:00 шамасында 13 жастағы оқушы қыз Шаяхметов көшесіндегі үйдің төртінші қабатындағы пәтер терезесінен құлап кеткен. Оқиғаға куә болған көршілер полицияға хабарлаған. Жедел жәрдемді де, сол кезде жұмыста болған ата-анасын да солар шақырған.

Alau.kz-тің хабарлауынша, әңгіме жүргізу кезінде мектеп оқушысы терезеден қараймын деп салғырттығынан құлап қалғанын түсіндірген. Бұл кезде пәтерде 9 жастағы сіңілісі мен 2 жастағы інісі болған. Оқушы қыз түрлі жарақатпен ауруханаға жеткізілді.

Полицейлер балаларды қараусыз қалдырмауды сұрайды.