Қостанайдың екі ауданында су тасқынына қарсы іс-шаралар аяқталды

Қызылордалық құтқарушылар Қостанай облысындағы су тасқынының салдарын жойды, деп хабарлайды BAQ.KZ.

Бұл туралы ТЖМ баспасөз қызметі мәлім етті.

Қазір Қостанай облысының Амангелді және Қарасу аудандарында су тасқынына қарсы іс-шаралар аяқталды. Барлығы 62 адам, оның ішінде 18 бала және 110 үй жануары эвакуацияланды. Қаптардың көмегімен бөгеттер нығайтылды, сондай-ақ су айдау жұмыстары жүргізілді, - делінген хабарламада.