Қостанайда саяжай аумағы өртенді

Өрт сөндірушілер Қостанайдың саяжай аумағында өртенген шөп пен қоқысты сөндірді, деп хабарлайды BAQ.KZ Төтенше жағдайлар министрлігінің баспасөз қызметіне сілтеме жасап.

17 қыркүйек күні сағат 11.30-да «101» пультіне Қостанайдан 18 шақырым жерде орналасқан «Пригородный» саяжай қоғамдастығының аумағындағы өрт туралы хабарлама келіп түсті.

Өрт сөндіру есептоптарының келуі бойынша 10 га алаңда қараусыз қалған учаскелерде құрғақ шөптер, қоқыстар мен бұталар жанғаны анықталды. Қатты желдің салдарынан өрт учаскелердің бірінде ағаш дуалға жайылды. Саяжай үйлері зардап шеккен жоқ.

Құтқарушылардың жедел әрекеттерінің арқасында өртті сағат 16.23-те оқшаулап, 18.27-де толық сөндірілді.