Қостанай облысында Сенат депутаты сайлауы өтеді

2023 жылы 20 желтоқсанда Қостанай облысынан ҚР Парламенті Сенатының шығып қалған Гауез Нұрмұхамбетовтың орнына сайлау өтеді, деп хабарлайды BAQ.KZ.

Орталық сайлау комиссиясының мәліметінше, сайлау күні сағат 10:00-ден бастап Орталық сайлау комиссиясының интернет-ресурсында тандаушыларды тіркеуді онлайн байқау сервисі ұйымдастырылады. Ол баршаға қолжетімді болады, ал дауыстарды санағаннан кейін дауыс берудің алдын ала қорытындылары орналастырылады.

Сайлау заңнамасына сәйкес, Сенат депутаттары жасырын дауыс беру арқылы жанама сайлау құқығы негізінде сайланады. Жанама сайлау құқығы ҚР Парламенті Сенатының депутатын сайлауға тек сайлаушылар - мәслихат депутаттары ғана қатысатынын білдіреді.

2022 жылы 26 қарашада Қасым-Жомарт Тоқаев "2023 жылдың 14 қаңтарына ҚР Парламенті Сенатының депутаттары сайлауын тағайындау туралы" Жарлыққа қол қойды. Сайлау қорытындысы бойынша ОСК нәтижелерін жариялады.