Қостанай облысында құтқарушылар қар құрсауында қалған көлікті эвакуациялады

Арқалық қаласынан 7 шақырым жерде жергілікті маңызы бар автомобиль жолында, құтқарушылар қар құрсауында қалған автокөлікті эвакуациялау бойынша сәтті операция жүргізді, деп хабарлайды BAQ.KZ.

Жеңіл автокөлік тас жолда қар құрсауында қалып, ішінде бір адам болған. Құтқарушылар оқиға орнына жедел келіп, автокөлікті жолдың тазартылған учаскесіне сүйреп апарды.

Жүргізушіге медициналық көмек қажет болмады, - деп жазылған ТЖМ мәліметінде.

ТЖМ жүргізушілерге қыс мезгілінде жолдарда барынша абай болу қажеттігін ескертеді. Ауа райының жағдайын ескеріп, өзімен бірге қысқы жол жүру үшін қажетті жиынтықты алып жүру және жол жүру алдында автомобильдің жай-күйін үнемі тексеріп отыру керектігін ескертеді.