Қостанай әуежайы үшінші рет сатылымға шығарылды

Тендер шарттары бойынша объектінің қызмет бейіні 5 жыл мерзімге сақталады, сондай-ақ қолданыстағы штат саны сақталады, деп хабарлайды BAQ.KZ.

Сауда-саттық 2024 жылғы 26 қыркүйекте сағат 10:00-де мемлекеттік мүлік тізілімінің e-qazyna.kz веб-порталында өтеді.

Әуе айлағы бұған дейін екі рет аукционға шығарылды, бірақ сауда-саттық өткізілмеді деп танылды. Бұл соңғы рет 2018 жылы болды. Кейін әуежай республикалық баланстан облыс әкімдігінің балансына берілді. Содан кейін ғимараттың өзін де, ұшу-қону жолағын да жөндеу басталды. Бұған дейін қала әкімдігі акциялардың негізгі пакеті мемлекеттің қолында қалады деп мәлімдеген болатын, өйткені әуежай стратегиялық нысан болып табылады. 2017 жылы әуежай 862 миллион теңгеге бағаланды.