Қордайда мектепті жөндеуге 800 млн теңгеге жуық қаржы жұмсалмақ болған

Жамбыл облысының прокуратурасы 23 млрд теңге бюджет қаражатының негізсіз жұмсалуының алдын алды, деп хабарлайды BAQ.KZ.

Прокурорлар жергілікті атқарушы органдардың бюджеттің шығыс бөлігіне растайтын құжаттарсыз шығындарды енгізу фактілерін анықтады.

Мысалы, Қордай ауданының әкімдігі мемлекеттік сараптаманың қорытындысы шығарылмастан мектептердің бірінің ғимаратын 756 млн теңгеге күрделі жөндеуді жоспарлаған. Қабылданған шаралардың нәтижелері бойынша өңір бюджетінің шығыс бөлігінен 11 млрд теңгеге расталмаған шығындар алынып тасталды, - делінген хабарламада.

Сондай-ақ облыс прокуратурасы бірыңғай ұйымдастырушы әлеуетті өнім берушілерге лицензиялар бойынша қажетсіз жоғары талаптарды қойған 12 млрд теңгеге заңсыз сатып алулардың күшін жойды.

Заңдылықты бұзғаны үшін мемлекеттік органдардың 6 лауазымды адамы жауапқа тартылды, оның ішінде 1 тұлға конкурстық құжаттамада заңнамада көзделмеген біліктілік талаптарын белгілегені үшін 461 мың теңгеге айыппұл түрінде әкімшілік жауаптылыққа тартылды.