Қоғамдық саясат институты: АЭС салуды референдумға қатысқандардың 72,3%-ы қолдады

6 қазан Республикалық референдум күні Қоғамдық саясат институты еліміздің барлық өңірінде Exit Poll өткізді, деп хабарлайды BAQ.KZ.

Сауалнама барысында 600-ден астам интервьюерлер мен супервайзерлер жұмыс атқарды.

Экзитполға 44 160 азамат қатысты. 

Сауалнама 300 дауыс беру учаскесін қамтыды.

Экзитпол нәтижесі бойынша, сауалнамаға қатысушылардың 72,3%-ы Қазақстанда атом электр станциясының құрылысымен келісемін деп жауап берді.

Қарама-қарсы пікір білдіргендер 27,7%-ды  құрады.

Дауыс беру учаскелерінің шыға берісінде сауалнаманы арнайы Exit Poll жүргізу технологиясын меңгерген интервьюерлер жүргізді.