"ҚазАвтоЖолдың" бұрынғы төрағасының ісі сотқа жолданды

"ҚазАвтоЖол" ҰК" АҚ-ның бұрынғы төрағасы бюджет қаражатын ұрлағаны үшін сотқа берілді, деп хабарлайды BAQ.KZ.

Есіл өзені арқылы көпір салумен "Жақсы-Есіл – Бузулук" автожолын күрделі жөндеуге бөлінген мемлекеттік қаражатты жымқырды деген күдікпен "ҚазАвтоЖол" ҰК" АҚ бұрынғы төрағасы мен бас мердігерге қатысты тергеу аяқталды.

Тергеу нұсқасы бойынша "ҚазАвтоЖол" ҰК" АҚ басшылығы мердігерге негізсіз артықшылық білдіріп, мақсатсыз пайдаланылған 200 млн теңге көлемінде аванс бере отырып, бір көзден алу тәсілімен заңсыз шарт жасасты.

Көлік прокуратурасы істі Астана қаласының сотына жолдады.